15 janari shënon datën e përkujtimit të gjenocidit në Kosovë.
Me këtë Qendra “Gjenocidi në Kosovë-Plagë e Hapur”, ka organizuar aktivitetin e ndezjes së qirinjve në shenjë respekti për viktimat e gjenocidit.
Aktivitetet fillojnë nga ora 19:30.
Ndezja e qirinjve në Prishtinë do të bëhet në sheshin “Skënderbeu.
Kjo qendër fton qytetarët e qyteteve të tjera që në sheshet e tyre ndezjen e qirinjve ta bëjnë me vetiniciativë, në sheshet kryesore.
Sipas kësaj qendre edhe organizimet jashtë Kosovës janë të mirëseardhura.
E ata që nuk kanë mundësi të dalin në sheshe atë mund ta bëjnë në ballkonet e dritaret e tyre.
“Përkujtimi i viktimave të Gjenocidit në Kosovë është më e pakta që ne duhet të bëjmë në rrugëtimin për ngadhënjimin e drejtësisë dhe ndëshkimin e krimit!”, thuhet në njoftimin e kësaj qendre, përcjell Klankosova.tv.
